كيف ترفع ضغط المشرفين

كيف ترفــــع ضغط المشـــرفين

عزيزي العضو المخربها اللي وده يرفع ضغط المشرفين ... يتبع التعليمات التاليه وسيجد نفسه

مطــرود مع التحيه.!!

ماعليك الا انك تفتح اذانك وتركز معي زين..

وكـل شي موضح بالأمثــله لتسهيـل استخـدامهـا:

نحـن في خـدمـة الاعضاء

*** *** ***

1) أدخــل اي منتدى واكتب أي موضــوع مال امه دخــل في هالمنتدى >> الموضوع في وادي والمنتدى في وادي,,

مثال >> اكتب موضوع رياضي في المنتدى الإســلامي,,

ويفضــل لو تكتـب عليه (( ارجــوا التثبيـت )) يكون لها طعم احلى،،

*** *** ***

2) خـذ لك موضـوع توه جـديد من أي منتدى >>> انسخـه واكتبـه بإسمك مره ثانيه في نفس المنتدى ,,

ويفضــل تكتب عليـه ((( فكــره جديــده )))

<< هنا المشرف يـدوخ.... مايدري وين المكـرر عشــان يحــذفه >>

*** *** ***

3) لا تشارك في أي منتدى ولا ترد على أحد .. وبعدين أطلب من الإدارة تحطك عضو فعال وكل يوم أرسل تظلّم

إذا ماعطوك وجه ؟؟

<< صدقني اذا ماقالوا لك اقلب وجهك ... اضمن لك انهم يرقونك إلى (عضـو بلشه) >>

*** *** ***

4) اكتب موضوع في منتدى الشكـاوي والإقتراحــات (( الفزعــه ياشباب )) >> طبعـا بيجيك المراقب طاير ===>

واكتب في الموضوع (( واحــد صفــر )) وحط عندها صـوره واحـد يضحـك ,,

>> في هـذي اضمــن لك قوطي ببسي يجي على خشـتك وانت توك تكتب الموضوع >>

*** *** ***

5) شكّك في أي موضوع يـطرح في المنتدى .. في كل موضوع قل (( كأني شايفه في منتدى ثاني))

<< خلي العالم تــفهم أنه مسروق >>

*** *** ***

** *** ***

7) حاول ترد على المواضيع القديمه >> طلع الغبار >>

والجديده خلها تنزل ,,

<< كذا تقلب القسم حقه فوق تحت >>

*** *** ***

شوف لك مشرف كل يوم إرسله رسائل خاصه تقـول له

وش رايك في ذاك الموضــوع... احـس انه بايخ احذفه تكفى ,, ولا هذه الموضـوع رهيـب ثبته ,,

<< هنا المشـرف يكره اليوم اللي خلـوه فيه مشــرف >>

*** *** ***

9) دقق في الاخطاء الاملائيه المشرفين (...........) .. ورد عليهم فقط لتصحيح الاخطاء الإملائيه ولا تجيب طاري الموضوع,,,

*** *** ***

وعندما تصـل حالة تهـورك إلى درجــة الغليــان فما عليك سوى :

10) عند تعيين أي مشرف جـديد ... أبدا تكلم عن الواسطة وأنه ما يستاهل ولمح أن الإدارة ما عندها سالفة ,,

>> هــذي تغنيــك عن كل الوســائل اللي راحــت

والله يموتون قهر

ـ ـ ـ ـ ـ ـ ـ ـ ـ ـ ـ ـ ـ ـ

لا تزعلون يا أحبابي المشرفين

لان عندي طرق ارفع فيها ضغط العضو بس ( خلوني مشرف )...!!!!

خخخخخخخخخخخخ

الله يعين ان ماطردونى من المنتدى


باااااااااااااااااااااي