الرئيسية
الدردشة|منتديات موالى تيم 
السلام عليكوو ورحمه الله
مبدأيا يا جماعة كلو لازم يكون صاحى وفايق كدة عشان الكلام دة عايز دماغ صح
انا هشرحلكو ازاى تنزلو وندوز لجهازكو
اولا فى حاجة لازم تتفهم
يعنى اية وندوز ؟
كان زمان اوى اول ما تخرعو الكمبيوتر كانت لغتهم معاه عبر حاجة اسمها
DOS
الدوس دة اللى الكلام الابيض اللى بيبقى فى الاول لما تفتح الجهاز اللى خلفيتو سودة
الدوس دة كانت الطريقة الوحيدة اللى تتعامل معاها فى الجهاز كانت صاعبة جدا جدا طبعا مش تعرف تشغل اغنية ولا فيلم كان كل اماورها حروف وكلمات لازم تكون محفوظة فا دى كانت مشكلة
ظهر بقى الوندوز الوندوز دة برنامج زى اى برامج بتسطبها بالظبت بس البرنامج دة سهلك الدح على هارد الجهاز بسهولة بالمواس وكل حاجة سهلة فية مش بتدى اوامر زى الدوس
هوة دة الوندوز
مع بعض بقى النهاردة هنعرف ننزل الوندوز
مبدأيا بتروح اى سيبر او شركة كمبيوتر وبتطلب
اسطوانة وندوز اكس بى سيرفس باك 2 >> بوتابل
البوتابل دة يعنى ان الاسطوانة تقرأ من على الدوس وانتا قبل ما تخش الوندوز
الاسطوانة دى فى اى مكان فى الدنيا ب 5 جنية
بتجيب الاسطوانة وتغتح جهازك وبتخش على حاجة اسمها الشاشة الزرقا
الشاشة الزرقا دى زرارها الدليت
delet
او زرار الدل اللى بين زرار الانتر والصفر اللى فى كيبورد الارقام
del
وفى بورد الشاشة بتاعتها
f1 او f2
يعنى تجرب ال 3 زراير دول
وبتخش على الشاشة الزرقا هتلاقيها بالشكل دة
بتختار منها تانى امر اللى هوة
ADVANCED BOIS FEATURES
1 كتيرة بالشكل دة
بتختار امر
First Boot Device
لو لاقيت اوصدها كلمهة
CD ROM
تدوس
f10
وانتر
لو مش لاقيت جمبها
CD ROM
تدوس عليها انتر وهيظهرلك الشكل دة
تختار من اللى عندك
CD Rom
دة معناه انك لما تخش تعمل بوت على الجهاز تقرا من السى دى روم مش من حاجة تانية
وبعدها
f10
وحرف ال
Y
وانتر
الجهاز هيعمل ريستارت
ويهيفتح الشاشة السودة وهتلاقى تحت خالص الشكل دة
Press Any Key To Boot From CD ..
بيقولك دوس على اى زرار عشان تبوت من الاسطوانة وبيعدلك نقطة اتنين لحد 5 نقط وبعدها بيخش على الوندوز
انتا هتدوس على اى زرار وليكن الانتر او المسافة اى حاجة يعنى عشان يخش ينزل الوندوز
هيظهرلك شاشة سودة وبعدها هتظهر شاشة زرقا وحدودها سودة وفيها من تحت ملفات بتتعد كما بالشكل
هتسيبها تعد مع نفسها لحد ما توصل للكلمة اللى فى الصورة
setup is strarting windows
هيظهرلك كلام معانه بيقولك انتا عايز تعمل نسخة وندوز جديدة ولا تصلح النسخة اللى قبل كدة ولا تخرج
زى ما اتنو شايفين الاختيارات
انتا طبعا بتدوس انتر عشان تنزل نسخة تانية
هيظهرلك بعدها الشروط بتاعت الوندوز زى حقوق الطبع كدة زى اى برنامج بينزل بيقولك انتا موافق ولا لا دى زيها بالظبت كما بالشكل
انتا بتدوس على
f8
عشان تقول انى موافق
هيظهرلك بعدها العرمز دة اوعى تدوس علية انتر
دة معناه انتا عايز تنزل نسخة الوندوز فى برتشن واحد وتخلى البراتشن دة بمساحة الهارد كلو ؟؟؟؟؟؟؟؟؟؟
يعنى تفتح مش تلاقى اى حاجة على الهاردة خالص
فا انتى بتعمل زرار الاسكيب اللى فى اخر الكيبورد فوق على الشمال
Esc
بعد ما بتدوس على الزرار دة بيظهرلك الشكل دة
دة بيظهرلك البرتشنات اللى عندك
بيسالك تنزل الوندوز فى انهى واحد من دول انتا بتختار الاول مع مراعاه تقرأ الكلمة اللى جمبها اللى هية
[ fat 32 ]
[ NTFS ]
ليييييييية بقى ؟؟؟؟؟
لان الهاردة دة لية طرقتين للفورمات يا فات 23 يا اما ان تى اف اس
الطريقة الاحسن والاضمن للجهاز والاسرع
fat 32
لاوزم تقرا الكلمة اللى جمبها لانك هيسالك الوقتى سؤال لازم ترد بية على الكلمة اللى جمب البرتشن اللى هتنزل فيه الوندوز
انتا هتختار البارتشن الاول وتدوس علية انتر
هيظهرلك الاختيارت دى
بيقولك لو متأكد انك هتنزل الوندوز هنا دوس حرف
C
لو عايز تشوف بارتشن تانى دوس اسكيب
Esc
فا انتا بتدوس حرف السى عشان تكمل الوندوز
بعدها هيظهر
دى بقى اختيارت الكلمة اللى جمب البرتشن اللى هتنزل عليه وندوز
الاختيارت كلاتى
تفرمت البارتشن باستخدام ملفات
[NTFS] quick
تفرمت البارتشن باستخدام ملفات
[ fat 32 ] Quick
تفرمت البارتشن باستخدام ملفات
[NTFS]
تفرمت البارتشن باستخدام ملفات
[ fat 32 ]
لا تغير افرموت زى ما كان
بتختار الامر اللى فية الكلمة اللى قولت عليها جمب البرتشن بس معاها كويك >>> يعنى سريع
او لو مش فاكر دوس الاخيرة
بعد ما تدوس بيطلعلك رسالة بالشكل دة
بيقولك لو عايز تفرمت البارتشن دوس حرف ال
F
فا انتا هتدوس على حرف الاف
لما تدوس هيظهرلك الصورة دى
بيقولك لو عايز تكمل الوندوز وتفرمت البارتشن دة دوس على
ُENTER
فا انتا بتدوس انتر عشان تكمل
يبدا يجبلك عداد الفورمات كما بالشكل
يبدا بعدها يعمل حاجة اسمها كابيرت الملفات (( بيعمل نسخ لملفات الوندوز من على الاسطوانة الى البارتيشن )) كما بالشكل
عند الملف اللى اسمو
driver.cab
هيطول فية شوية
اسم الملفات تحت خالص على اليمين
فى حالة بقى ان الاسطوانى بايظة ؟ او السى دى روم معلق هيطعلك رسالة بالشكل دة
الملف اللى اسمو كذا كذا دة مش راضى يتنقل لو انتا عايز تجرب تانى دوس انتر
ُEnter
لو انتا عايز تنفض للملف دة دوس على اسكيب
Esc
بس مكتوب تحتها
انتباه !
لو انتا نفضت للملف دة ممكن يوقف عملية نسخ الملفات والوندوز مينزلش
الاختيرالاخير بيقولك دوس اف 3 عشان تخرج من السيت اب
دى فى حاجة ان الاسطوانة معلقة او السى دى روم فا انتا لازم تغير الاسطوانى او تشوف السى دى روم مالو وتدوس انتر
بعد ما بقى يخلص نسخ هيظهرلك الشكل دة
بيقول استنى لما السيت اب بتاع الوندوز يبقى كامل
بعدها بقى يطلعلك امبير بيتلون احمر ومكتوب فيه
press enter to restart
دوس انتر عشان تعمل ريستارت
انتا بتدوس انتر عشان تعمل ريستارت وتكلم عملية التنزيل
بعدها هيطلعلك علامة السيت اب اللى هية دى
اوعى تدوس اى حاجة سيبها لحد ما تخلص نقط وبعدها هتخش على الوندوز
بعد ما يخلص الدح على الوندوز هيظهرلك الشاشة دى
كدة انتا الوقتى دخلتى على تسطيب ملفات الوندوووز
يعنى فى الاول كان بيعملها كوبى
الوقتى بيسطبها بقى
وبعد شوية لما يوصل الوقتى على الشمال تحت ل 34
هيطلعلك رسالة رسالة اللغة
بتختار منها كلمة
Customize
وتدوس عليها هيظهرلك الشكل دة
تختار من فوق خالص امر
languages
امر اللغة
وتدوس على المربع اللى علية سهم الموس
واللى معناه اخليلك الكتابة من يمين للشمال اصل الكتابة بتاعتو من الشمال لليمن لانو مبرمج على اللغة الانجليزية
هيطلعلك رسالة تاكيد تدوس اوكى كما بالشكل
هيطلعلك رسالة بيقولك استنى شوية لحد ما اللغة العربية كما بالشكل
وبعدها بتدوس على
applay
اللى تحت خالص جمب الاوكى
وبعدها بتخش على الامر اللى علية سهم الموس كما بالشكل
وبتختار اللغة وتعملها
arabic (Egypt )
كما بالشكل
وبعدها بتنزل تحت خالص وتختار اللغة من تحت
وتعملها
ُEgypt
بعدها بتطلع فوق عند الاوامر اللى فوق خالص وبتختار اخر امر على الشمال كما بالشكل
وبتنزل تختار اللغة تانى وتعملها
Arabic ( Egypt )
كما بالشكل
ووبعدها تدوس على اوكى مش ابلاى
هيظهرلك بعدها مرربعين فاضين اول واحد اسمك تانى واحد اسم الثنائى اكتب فيهم اى حاجة
كما بالشكل
بعدها بيقولك اية اسم الجهاز بتاعك ؟
هتلاقى الاسم اللى انتا كاتبو فى المربع اللى فات بس معاه حبة ارقام يا تدوس انتر عادى يا اما تشيل الارقام كما بالشكل
وبعدها بقى بيجبلك رسالة الوقت والتاريخ
من تحت تختار انتا القاهرة وقت مصر يعنى كما بالشكل
بعدها الجهاز هيكمل بقى سيت اب مع نفسو خالص لحد ما يعمل ريستارت
وبعدها هيفتح الوندز وبيظهرلك الرسالة دى
دوس اوكى
هيظبتلك الشاشة بتاعتك على المقاس القديم ويظهرلك سؤال تانى فوق على الشمال
بيقولك اسبلك المقاس دة كدة ولا ارجع زى ما كنت لحد ما تخلص تعريف كارت الشاشة ؟
فا انتا بتختار اوكى
بعدها بقى يخش على الوندوز كما بالشكل
ويخش على شاشة زارقة بقى بيسالك حبة اسئلة عن الاكونت بتاعك فى الوندوز
الصورة دى فيها حاجة اسمها الجدار الحمامى للجهاز عايز تشغلو ماشى مش عايز براتحك فا اختار اى حاجة عاتى
وبعدها بتدوس نكست من تحت على الشمال
بعد كدة بيجبلك الاكونت اللى ممكن تعملها
5 اكونتات اكتبلهم اسامى وهما يتعملو وبعدها تدوس على نكست
مع مراعاه انك مش تكتتب نفس الاسم اللى انتا عاملو والجهاز بينزل وندوز
بعدها بقى بيقولك
WELCOME
اول ما يظهرلك سطح المكتب بيطلعلك من الجمب تحت على الشمال علامتين
العلامة الاولى الى هية دى
بتدوس عليا
هيظهرلك
هتنزل تحت بالاسكرول كما بالشكل
وتختار من تحت كلمة
Windows firewall
هيظهرلك الصورة دى
تختار تانى امر اللى اسمو
Off ( Not recommended ))
وتدوس اوكى
وبعدها بتختار امر
automatic Updates
وتختار اخر واحدة بردو
Turn Off Automatic ubdates
وبعدها بتروح على الاختيارت اللى على الشمال خالص
اللى اسمها
Change the way security center alerts me
وتدوس عليها
هيطلعلك الشكل دة
بتشيل كل علامات الصح دة بالدوس عليهم وبعدها بتختار اوكى وتقفل بقى عادى
الرسالة التانية
دى عبارة عن زى فلاشة كدة بتفتح على الجهاز بيعرضلك مميزات الوندوز والحاجت دى فا انتا تدوس عليا هيظهرلك الشاشة اللى فى الشكل
تختار تانى امر من فوق وتدوس على نكست
هيفتحرك صفحة نت فيها كلام اقفلها وكدة الرسالتين دول مش هيظهرو تانى
انتا الوقتى معاك نسخة وندوز
Windows professional Version 2002 >> Service Pack 2
وبكدة انتهيت من شرح نزول نسخة وندوز الاكس بى
ارجو انى مكنش طولت عليكو
ويا ريت الكل يكون فاهم
ولو فى اى حاجة مش فاهمنها او اى حاجة فى جهازك مش عارفها
اعملى رد او ابعتلى رسالة على المنتدى وانا هرد عليك علطول
mody
» دردشة موالي تيم ((الشات بتاعنا يعني))
» مشترك جديد
» جديد وحصريااااااا العملاق IDM 5.15 build 6 نسخة محمولة لا يتطلب كراك ولا سيريال.......العدد 2
» ياريت تشركونى
» رخامه بقى والله مفيش بعد كده
» لو عرفت انك ..... بعد يومين؟
» الجزء الرابع والاخير من برامج الجيل الثالث 4
» الان اول fileman.jar وصل لاجهزه نوكيا الجيل الجديد حصرررررررري